Тэтгэмжийн даатгал

Тэтгэмж гэж нийгмийн даатгалын хууль тогтоомжид
заасны дагуу эрх үүссэн даатгуулагч хөдөлмөрийн чадвараа түр
алдах, жирэмсний болон амаржсаны амралт эдлэх, ажилгүй болох
тохиолдолд өөрт нь, нас барахад түүний гэр бүлийн гишүүнд
нэг удаа олгох мөнгөн хөрөнгийг хэлнэ.

Тэтгэмжийн даатгалын сангаас дараах тэтгэмж, шимтгэлийн төлбөрийг олгоно:

• Хөдөлмөрийн чадвар түр алдсаны тэтгэмж;
• Жирэмсний болон амаржсаны тэтгэмж;
• Нас барсан даатгуулагчийн гэр бүлийн гишүүнд олгох тэтгэмж;
• Гурав хүртэлх насны хүүхдээ асарч байгаа сайн дураар
  даатгуулагч эхийн тэтгэвэр, тэтгэмжийн даатгалын шимтгэлийн төлбөр.

Ажилгүйдлийн даатгалын сангаас:

• Ажилгүйдлийн тэтгэмж;
• Шимтгэлийн хөнгөлөлт.

Хөдөлмөрийн чадвар түр алдсаны тэтгэмж авах эрх:

Тэтгэмжийн даатгалын шимтгэлийг ердийн өвчин, ахуйн ослын
улмаас хөдөлмөрийн чадвараа түр хугацаагаар алдахын өмнөх
дараалсан 3 ба түүнээс дээш сарын хугацаагаар
төлсөн даатгуулагч хөдөлмөрийн чадвар түр алдсаны тэтгэмж
авах эрхтэй.

Тэтгэмжийн хэмжээ:

Хөдөлмөрийн чадвар түр алдсаны тэтгэмжийг хөдөлмөрийн чадвар
алдахын өмнөх шимтгэл төлсөн сүүлийн дараалсан 3 сарын цалин
хөлс, түүнтэй адилтгах орлогын дунджаас дараах хувь хэмжээгээр
тооцно.

Тэтгэмж олгох хугацаа:

• Хөдөлмөрийн чадвар түр алдсан хугацааны ажлын эхний 5
  өдрийн тэтгэмжийг ажил олгогчоос олгоно.
• 6 дахь өдрөөс эхлэн хөдөлмөрийн чадвар нь сэргээгдэх,
  эсхүл хөдөлмөрийн чадвар алдсаны тэтгэвэр авах эрх үүсэх
  хүртэл хугацааны тэтгэмжийг тэтгэмжийн даатгалын сангаас
  олгоно.
• Хөдөлмөрийн чадвар алдсаны тэтгэвэр авагчид тэтгэвэр
  тогтоолгосон тухайн өвчний оношоор хөдөлмөрийн чадвар
  түр алдсаны тэтгэмж олгохгүй.

Хүсэлт илгээх:

Даатгуулагч Та хөдөлмөрийн чадвар түр алдсаны тэтгэмж авах
хүсэлтээ

daatguulagch.ndaatgal.mn

цахим хаягаар нийгмийн даатгалын байгууллагад илгээж болно.

Тэтгэмж авахад бүрдүүлэх баримт бичиг:

• Тэтгэмж авахыг хүссэн өргөдөл;
• Эрүүл мэндийн байгууллагаас олгосон эмнэлгийн хуудас
  (албан журмаар даатгуулагч эмнэлгийн хуудсыг цахимаар
  бичүүлсэн тохиолдолд ажил олгогчоос нийгмийн даатгалын
  байгууллага руу илгээнэ);
• Тэтгэмж авах даатгуулагчийн мэдээлэл
  (овог, нэр, регистр, банкин дахь дансны дугаар).

Сайн дураар даатгуулагчийн хувьд:

• Эрүүл мэндийн байгууллагаас олгосон эмнэлгийн хуудсыг
  харьяалах Нийгмийн даатгалын газарт хүргүүлж, тэтгэмж
  авах хүсэлтээ гаргана.
• Эмнэлгийн хуудсыг цахимаар бичүүлсэн тохиолдолд
  Даатгуулагчийн вебийн тусламжтайгаар тэтгэмж авах
  хүсэлтээ илгээнэ.

Жирэмсний болон амаржсаны тэтгэмж авах эрх:

Тэтгэмжийн даатгалын шимтгэлийг нийтдээ 12 сар ба түүнээс
дээш хугацаанд, үүнээс жирэмсний амралт авахын өмнөх сүүлийн
6 сард тасралтгүй төлсөн дараах даатгуулагч эх жирэмсний
болон амаржсаны тэтгэмж авах эрхтэй.

• Хүүхдээ 196-аас доошгүй хоног тээж төрүүлсэн;
• Хүүхдээ 196 хоног хүртэл тээгээгүй боловч амьдрах
  чадвартай хүүхэд төрүүлсэн;
• Хүүхдээ 196-аас доошгүй хоног тээж дутуу төрүүлсэн буюу
  Эрүүл мэндийн тухай хуулийн 32.1-д заасан үндэслэлээр
  үр хөндүүлсэн.

Тэтгэмжийн хэмжээ, олгох хугацаа:

Даатгуулагч эхэд жирэмсний болон амаржсаны тэтгэмжийг
жирэмсний амралт авсан сарын өмнөх шимтгэл төлсөн сүүлийн
12 сарын цалин хөлс, түүнтэй адилтгах орлогын дунджаас
100 хувиар тооцож 120 хоногийн, ихэр
хүүхэд төрүүлсэн бол 140 хоногийн хугацаанд ажлын өдрөөр
тооцон тус тус олгоно.

Жирэмсний болон амаржсаны тэтгэмж бодох хугацаанд нийтээр
тэмдэглэх баярын өдөр тохиосон бол уг өдрийг ажлын өдөртэй
адилтган тооцож олгох тэтгэмжийг бодно.

Хүсэлт илгээх:

Даатгуулагч Та жирэмсний болон амаржсаны тэтгэмж авах
хүсэлтээ

daatguulagch.ndaatgal.mn

цахим хаягаар нийгмийн даатгалын байгууллагад илгээж болно.

Бүрдүүлэх баримт бичиг:

• Тэтгэмж авахыг хүссэн өргөдөл;
• Эрүүл мэндийн байгууллагаас олгосон эмнэлгийн хуудас
  (цахимаар бичүүлсэн тохиолдолд Даатгуулагчийн вебийн
  тусламжтайгаар тэтгэмж авах хүсэлтээ илгээнэ).

Тэтгэмж олгох нөхцөл:

Дараах нөхцөлийг хангасан нас барсан даатгуулагчийн гэр
бүлийн гишүүнд тэтгэмж олгоно:

• Тэтгэмжийн даатгалын шимтгэлийг нийтдээ
  36 сараас доошгүй хугацаанд төлсөн
  даатгуулагч ердийн өвчин, ахуйн ослын улмаас нас
  барсан бол;
• Нийгмийн даатгалын сангаас олгох тэтгэврийн тухай
  хуульд заасан тэтгэвэр авч байсан иргэн нас барсан бол.

Тэтгэмжийн хэмжээ:

Нийгмийн даатгалын үндэсний зөвлөлийн 2023 оны 08 дугаар
тогтоолоор баталсны дагуу нас барсан даатгуулагчийн гэр
бүлийн гишүүнд олгох тэтгэмжийн хэмжээ
2,000,000 төгрөг, амьгүй донор болж эс,
эд, эрхтнээ бусдад шилжүүлсэн даатгуулагчийн гэр бүлийн
гишүүнд олгох тэтгэмжийн хэмжээ
3,500,000 төгрөг байна.

Бүрдүүлэх баримт бичиг:

• Тэтгэмж авахыг хүссэн өргөдөл;
• Даатгуулагчийн нас барсны гэрчилгээний хуулбар,
  эсхүл эрх бүхий байгууллагын лавлагаа, шүүхийн шийдвэр;
• Гэр бүлийн гишүүний иргэний үнэмлэхний хуулбар,
  эсхүл эрх бүхий байгууллагын лавлагаа;
• Амьгүй донор болсон тухай эрүүл мэндийн байгууллагын
  тодорхойлолт.

Ажилгүйдлийн тэтгэмж авах эрх:

Ажилгүйдлийн даатгалын шимтгэлийг нийтдээ 24 сар ба түүнээс
дээш хугацаанд, үүнээс ажилгүй болохын өмнөх сүүлийн 9 сар
тасралтгүй төлсөн, хөдөлмөр эрхлэлтийн асуудал хариуцсан
байгууллагад бүртгэлтэй, ажил идэвхтэй хайж байгаа, Нийгмийн
даатгалын сангаас олгох тэтгэврийн тухай хуульд заасан
өндөр насны тэтгэврийн ердийн насанд хүрээгүй даатгуулагч
ажилгүйдлийн тэтгэмж авах эрхтэй.

Ажилгүйдлийн тэтгэмжийг дахин авах эрх:

Урьд нь ажилгүйдлийн тэтгэмж авсан даатгуулагч ажилгүйдлийн
даатгалын шимтгэлийг дахин 12 сар, үүнээс ажилгүй болохын
өмнөх 3 сар тасралтгүй төлсөн нөхцөлд тэтгэмж авах эрх нь
дахин үүснэ.

Ажилгүйдлийн тэтгэмжийн хэмжээ:

Даатгуулагчид ажилгүйдлийн тэтгэмжийг ажилгүй болохын өмнөх
шимтгэл төлсөн сүүлийн дараалсан 9 сарын дундаж цалин хөлс,
орлогоос дараах хувь хэмжээгээр тооцож олгоно.

Ажилгүйдлийн тэтгэмж олгох:

• Ажилгүйдлийн тэтгэмжийг ажлаас чөлөөлсөн өдрийн
  дараагийн өдрөөс эхлэн ажлын 76 өдрөөр тооцож олгоно.
• Хүүхдээ асрах чөлөө авахаас өмнө ажилгүйдлийн тэтгэмж
  авах эрхийг хангасан даатгуулагч эхийг хүүхдээ асрах
  чөлөөтэй байх хугацаанд, эсхүл ажилдаа ороод 9 сар
  хүртэлх хугацаанд ажил олгогч нь татан буугдсан,
  дампуурсан бол ажилгүйдлийн тэтгэмж олгоно.
• Ажилгүйдлийн тэтгэмж бодох хугацаанд нийтээр тэмдэглэх
  баярын өдөр тохиосон бол уг өдрийг ажлын өдөртэй
  адилтган тооцно.

Хүсэлт илгээх:

Даатгуулагч Та ажилгүйдлийн тэтгэмж авах хүсэлтээ

daatguulagch.ndaatgal.mn

цахим хаягаар нийгмийн даатгалын байгууллагад илгээж болно.

Бүрдүүлэх баримт бичиг:

• Тэтгэмж авахыг хүссэн өргөдөл;
• Ажлаас чөлөөлсөн тухай ажил олгогчийн шийдвэр
  (шийдвэрт хамаарах хугацаа нь дуусгавар болж буй
  ажил гүйцэтгэх гэрээ, хөлсөөр ажиллах гэрээ болон
  эдгээртэй адилтгах бусад гэрээний хамт);
• Хөдөлмөрийн эрхлэлтийн асуудал хариуцсан байгууллагад
  бүртгүүлсэн тухай тодорхойлолт.

Хөдөлмөрийн чадвар түр алдсаны тэтгэмж:

• Тэтгэмж авахыг хүссэн өргөдөл;
• Эрүүл мэндийн байгууллагаас олгосон эмнэлгийн хуудас;
• Тэтгэмж авах даатгуулагчийн мэдээлэл
  (овог, нэр, регистр, банкин дахь дансны дугаар).

Жирэмсний болон амаржсаны тэтгэмж:

• Тэтгэмж авахыг хүссэн өргөдөл;
• Эрүүл мэндийн байгууллагаас олгосон эмнэлгийн хуудас.

Нас барсан даатгуулагчийн гэр бүлийн гишүүнд олгох тэтгэмж:

• Тэтгэмж авахыг хүссэн өргөдөл;
• Даатгуулагчийн нас барсны гэрчилгээний хуулбар,
  эсхүл эрх бүхий байгууллагын лавлагаа, шүүхийн шийдвэр;
• Гэр бүлийн гишүүний иргэний үнэмлэхний хуулбар,
  эсхүл эрх бүхий байгууллагын лавлагаа;
• Амьгүй донор болсон тухай эрүүл мэндийн байгууллагын
  тодорхойлолт.

Ажилгүйдлийн тэтгэмж:

• Тэтгэмж авахыг хүссэн өргөдөл;
• Ажлаас чөлөөлсөн тухай ажил олгогчийн шийдвэр;
• Хөдөлмөрийн эрхлэлтийн асуудал хариуцсан байгууллагад
  бүртгүүлсэн тухай тодорхойлолт.