Тус уулзалтад Нийгмийн даатгалын ерөнхий газар, Сүхбаатар дүүргийн Татварын хэлтэс, Сүхбаатар дүүргийн Хөдөлмөр, халамж үйлчилгээний хэлтэс, Сүхбаатар дүүргийн Жижиг дунд үйлдвэрлэлийг дэмжих төв болон “Эндээ хөгжил” ТББ хамтран оролцож, 250 гаруй ажил олгогч, жижиг, дунд бизнес эрхлэгч, хувиараа хөдөлмөр эрхлэгчдэд мэдээлэл хүргэлээ.
Уулзалтын хүрээнд Нийгмийн даатгалын багц хууль, Татварын тухай хууль, Хөдөлмөрийн тухай хууль болон бусад холбогдох хууль тогтоомжийн хэрэгжилтийг хангах, хяналт тавихад дэмжлэг үзүүлэх, мөн хуулийг хэрэгжүүлээгүйгээс үүсэж болох хариуцлагаас урьдчилан сэргийлэх чиглэлээр зөвлөгөө, мэдээлэл өгсөн бөгөөд арга хэмжээ “ЧИНГИС ХААН ҮНДЭСНИЙ МУЗЕЙ” хурлын танхимд амжилттай болж өндөрлөлөө. 
