Энэ онд нийгмийн даатгалын байгууллагын нийт 11 нэгж /хэлтэс, тасаг/-ийн барилгыг шинэчлэхээр төлөвлөсөн. Энэ хүрээнд 2015 оны долдугаар сарын 31-ний өдөр Дархан-Уул аймгийн Нийгмийн даатгалын хэлтэс болон Сэлэнгэ аймгийн Алтанбулаг сумын тасгийн барилгын шавыг тавих үйл ажиллагаа болов. Тус үйл ажиллагаанд Хүн амын хөгжил нийгмийн хамгааллын сайд, УИХ-ын гишүүн С.Эрдэнэ, Нийгмийн даатгалын ерөнхий газрын дарга Ц.Уртнасан болон яам, агентлагийн холбогдох албаны хүмүүс, орон нутгийн нийгмийн хамгааллын салбарын ажилтан, албан хаагчид, түүнчлэн хамтран ажиллагч байгууллагууд, орон нутгийн иргэд оролцлоо. Эдгээр барилгууд ашиглалтанд орсноор төрийн үйлчилгээг үзүүлж буй албан хаагчдын ажлын бүтээмжийг нэмэгдүүлэн сайжруулах, иргэд даатгуулагчдын ая тухтай үйлчлүүлэх орчин нөхцөлийг бүрдүүлэхэд чухал ач холбогдолтой хэмээн үзэж байна.