Монгол Улсад анх удаа төрийн байгууллагуудыг төлөөлөн Нийслэлийн Засаг даргын Тамгын газар, Сүхбаатар дүүргийн Нийгмийн даатгалын газар, Чингэлтэй дүүргийн Нийгмийн даатгалын газар, Улсын Хоёрдугаар төв эмнэлэг зэрэг дөрвөн байгууллага “Азийн загвар байгууллага”-ын гэрчилгээг гардан авлаа.

Энэ нь Засгийн газрын Хяналт хэрэгжүүлэх газрын санаачилга, зохион байгуулалтын хүрээнд төрийн байгууллагуудад төгөлдөршлийн тогтолцоог нэвтрүүлж, Олон Улсын түвшинд үнэлэгдсэн анхны тохиолдол боллоо.

“Азийн загвар байгууллага”-ын статус нь төрийн захиргаа, үйлчилгээний чанар, үр нөлөө, ил тод байдлыг системийн түвшинд сайжруулж буйг нотлохын зэрэгцээ Монголын байгууллагууд Олон Улсын сайн туршлага түгээх чадвартай болсныг харуулж байна.

Загвар байгууллагад хэрэгжүүлсэн төсөл болон үр дүнгээс дурдвал:

Тус газар нь:

“Өгөгдөлд суурилсан үйл ажиллагаагаар иргэдийн сэтгэл ханамжийг нэмэгдүүлэх” төсөл

• Дуудлагын төвийн системийг шинэчилснээр хариулах чадвар 45.3% → 61.4% болж өсөв,

• Чатботын өгөгдлийн санг өргөтгөж, цахим үйлчилгээний чиглүүлэлт сайжирсан,

• Сард ирэх дуудлагын ачаалал 7000 → 4100 болж буурсан байна.

Төрийн байгууллагуудын төгөлдөршлийн тогтолцоог тогтвортой нэвтрүүлж, бүтээмж, үр ашгийг тасралтгүй нэмэгдүүлэх бодлогоо үргэлжлүүлэн ажиллана.